«Орлята России» йоча толкыныш ушнышо ӱдыр-рвезе-влак элнан ончыкылык ӱшанже улыт. Шукерте огыл Йошкар-Оласе 32-шо номеран «Калинка» йочасадысе «Ёлочка» ден «Черёмушка» группылаш коштшо-шамычым (снимкыште) «Орлята-дошколята России» радамыш пуртеныт. Тургыжланаш таратыше ты кечын нуно оҥышкышт галстукым пижыктеныт. Шочмо элын патриотшо лияш да ваш аклен, пагален илаш сӧреныт. Йочасад вуйлатыше Юлия Геннадьевна Еременко чылаштым саламлен да сеҥымашым тыланен. Пайрем весела модмаш дене мучашлалтын.
Надя ГОДУНОВА.
Фотом йочасадын архивше гыч чалме.
