Кеҥеж шке семынже мотор пагыт гынат, йочасадыште икшыве-влакын модмо верыштым эре тӱзатена. Йошкар-Оласе 80-ше номеран «Ӱжара» йочасадыште арт-объект проект пашам ышта. Кажне группо ача-ава-влак полшымо дене сӧрал верым ямдыла. Теве кайык еш дене палдарыме шуэш (снимкыште). Тудым «Капелька» группо келыштарен.
Тыгай сомыл кумдыкым сылнештарымаш веле огыл. Тиде йочам чын воспитатлымаш. Йомакысе гай поро герой-шамычым ончен, икшыват сай койышан кушкеш, моторлыкым умылаш тунемеш, пӱртӱсым аралаш тӱҥалеш.
Надежда ГОДУНОВА.
Авторын фотожо.
