Кажне ийын эртаралтше «Московский кораблик мечты» фестивальым элнан рӱдолаштыже иктешленыт. Тушто йоча телевизионный, любительский да анимаций фильмлам акленыт. Йошкар-Ола гыч тунемше-влакын пашашт-шамыч «Московский экран» любительский фильм конкурсышто ойыртемалтыныт. «Вера», «Наследие прадедушки» да «Далёкое близкое» документальный фильмла лауреат-влак радамыш лектыныт. «Таковы условия» игровой фильм фестивальын дипломантше лийын.
Анна Чрелашвилим (Йошкар-Оласе 29-ше №-ан тунемме комплекс), Никита Журкиным (М.В.Ломоносов лӱмеш лицей), Василиса Фурзиковам (Семёновка селасе 21-ше №-ан школ) да Евгений Ахпайдеровым (19-ше №-ан школ) кугу сеҥымаш да лауреат лиймышт дене саламлена.
Фотом «ЗУМ» йоча киностудийын сайтше гыч налме.
