Тиде йодыш мемнам нимыняр ок тургыжландаре. Ме, Провой кундем Чакмарий школышто коррекционный классыште тунемше-влак, чонлан келшыше пашам муынна. Школ пелен Транспорт да энергетике техникум уло. Тушто «Самырык каменщик» кружок пашам ышта. Тудым Г.Е.Николаева вӱда. Галина Евгеньевнан мастарын туныктымыжлан кӧра шуко сомыллан тунемын улына. Кермыч дене пырдыжым, коҥгам да молымат оптен моштена. Школым тунем пытарымеке, ончыкылык илышнам ты профессий дене кылдаш шонена. Тиде паша кызыт эн кӱлешан да парышан.
Тунемше-влак.
Снимкыште: Ксения Арзикеева.
Фотом школ архив гыч налме.
