Теле каныш годым игече йӱштырак шогыш. Чатлама годым шольым дене коктын яра жапым пӧртыштӧ эртарышна. Икана окна воктене шинчымем годым уремышке ончал колтышым гын, шинчамлан шым ӱшане. 15 ирмузо ял уремыште коштеш. Чыланат окна гыч эскерена. Авам ойла: «Игече йӱштӧ, кочкашышт уке, сандене ялыш толыныт». Костик шольым, ведраш шыдаҥым кошталын, уремыш куржын лекте. Ирмузо-влак шольым деч лӱдын чоҥештен кайышт. Чаманаш веле кодо, ме нуным пукшен ышна керт.
Вероника МАМАЕВА.
У Торъял, Кузнеч.
