Школышто Кайыкын кечыжым палемдаш тӱҥалме нерген уверым ешыште каласышым. Саша шольым куаныш. Ачам ден авам шырчык омартам ышташ полшаш сӧрышт. Ончыч оҥам ямдылышна, тӱжвал велжым пужарышна, пудалышна. Кайыклан окна лийже манын, рожым келыштарен шӱтышна. Омартам пушеҥгыш пижыкташ рейкым келыштарышна. Эрлашыжым школышко лач мый веле шырчык омартам ыштен намиенам . Кугурак вожатый Елена Валериановна шольым ден когылянна шере пӧлекым кучыктыш. Кастене еш дене пырля тамлышна. Мемнан ыштыме шырчык омартам школ кудывечышке сакалышна. Ынде мый кажне кечын омартамым эскерем. Тушто шырчык коеш гын, сай отметкым налам манын ӱшанем.
Константин ЭМАНОВ.
Морко, Шӱргыял.
Фотом школ архив гыч налме.
