Технологийым туныктышо А.Н.Якимов мыланна шырчык омартам ыштыме дене мастер-классым эртарен. Могай оҥам кучылтмо, могай кутышаным ойырымо, кайыклан пурымо рожшо могай кугытан лийме нерген палдарен.
Мастер-класс мыланна моткоч келшен. Александр Николаевичын ончыктымыж почеш меат изи гына кайык пӧртым ямдыленна. Нуным образец семын коденна. А мӧҥгыштӧ кугу шырчык омартам ыштенна да вӱта леведышыш сакаленна.
Илья ден Никита КОПАЕВМЫТ.
Кужэҥер, Йӱледӱр.
