Шӱргыял школышто марий йылмым да литературым туныктышо Елена Валериановнан тыршымыжлан кӧра «Казаков лудмаш» кажне ийын эртаралтеш. Ты гана таҥасымаште 24 йоча усталыкшым терген. Надежда Сергеева шке возымо «Тыныс верч» почеламутшо дене конкурсышко ушнен. Изирак класслаште тунемше-влакым класс вуйлатышышт-шамыч ямдыленыт. Почеламутым лудмаш сайын эртаралтын. Эн сылнын лудшо-влак семын Таисия Корякова, Полина Борисова, Арина Павлова, Татьяна Белкова, Александр Эманов, Мария Сергеева, Андрей Николаев, Диана Сергеева да мый ойыртемалтынна. Ынде районысо таҥасымашлан ямдылалтына.
Диана СКВОРЦОВА.
Морко район.
Фотам школ архив гыч налме.
