Патыр салтак-влакын Шочмо элнан тыныслыкше верч лӱдде кредалме пагытыште меат кертмына семын полшена. Купсола школын тунемшыже, туныктышыжо, школ пеленысе йочасадын пашаеҥже-влак окоплык сортам ямдылена. Ты пашашке ача-ава-шамычымат ушенна. Изирак-влак калай банкым чумырат. Ача-ава, коча-кова-шамыч пӱнчӧ ден кож пӱгыльмым погат, туныктышо ден кугурак ийготан тунемше-влак шыштым левыктен оптат (снимкыште). Пырляште паша куштылгын кая. Сарзе-шамычым шочмо кундемыште сеҥымаш дене вучена.
Е.И.ИВАНОВА.
Морко район.
Фотом школ архив гыч налме
