«Чучел-шоу» – тыге лӱмденна школышто эртаралтше Шыже пайремым. Пакчасе кушкылым кайык-влак деч аралыше лӱдыктыш-шамыч ты кечын тӱҥ герой лийыныт (снимкыште). 1-7-ше класслаште тунемше ӱдыр-рвезе-влак сылне костюмым ямдыленыт, усталыкыштым ончыктеныт.
Мый пайремыште вӱдышӧ лийынам. Тунемше-влакын чолга улмыштым куанен онченам. А ончышо-шамычын кидсовышышт кумылым нӧлтен.
Вика АНТРОПОВА.
Кужэҥер, Йӱледӱр.
Фотом школ архив гыч налме.
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…
«Движение Первых» йоча толкынын школ пеленысе ушемын председательжын тӱҥ сомылжо – ӱдыр-рвезе-влаклан ой-каҥаш дене полшаш, нуным мер пашалан кумылаҥдаш, туныктышо-шамычлан тӱрлӧ мероприятийым эртарымаште эҥертыш лияш. Тудо чулым, йырже икшыве-влакым чумырен…
