Ксюша КАМАЛИЕВА Медведево район Пекшиксола школышто тунемеш. Мураш, кушташ, книгам лудаш йӧрата. Школышто «нылытанлан» да «визытанлан» тунемеш. Йӧратыме урокшо – марий йылме. Тудым Г.А.Петрова туныкта.
– Книга – лишыл йолташем, – ойла Ксюша. – Галина Алексеевнан каласкалымыжым тӱткын колыштам. Марий йылме муро гае ныжылге. Сандене марий серызе-влакын сылнымутышт чонемлан лишыл. Почеламутыштым куштылгын да писын тунемаш лиеш.
