Авам у сумкам налын пуэн. Тудо мотор, канде тӱсан. Кажне кечын, сумкаш тетрадьым, книгам, ручкам да моло арверым оптен, школыш вашкем. Икана уремыште утларак модмемлан кӧра руш йылме дене ямдылалташ монденам. Туныктышо дневникышкем «кокытан» отметкым шынден. Тидлан сумка моткоч сырен. Уда отметкым нумалмыже нимыняр шуын огыл. Кастене уроклан сайын ямдылалтым. Эрлашыжым икмыняр предмет дене «визытаным» нальым. Сумкамат куаныш, мыйынат кумылем нӧлталте.
Алексей САНДАКОВ.
Шернур, Лажъял.
