Мемнан Кӱчыкэҥер ялыштына Комаер уло. Тушто йолташ-влак да туныктышо дене пырля лийынна (снимкыште). Вӱдшӧ шемалге тӱсан, шучкын да келгын коеш. Ожно ялысе рвезе Пётр Курсов ден йолташыже ерын келгытшым висынешт улмаш. Рвезе-влак сапкандырам налыныт да ик мучашешыже кӱм кылденыт. Тудым вӱдышкӧ кудалтеныт. Комаер пеш келге лийын, сапкандыра пундашышке шуын огыл. Кок йолташ ерын келгытшым палыдеак кодын.
Кызыт Комаер сер шудо, вондер дене кушкын пытен. Сер воктеке нигӧ огеш тол. Ер куакшемын. Тидын шотышто айдеме титакан, моло огыл.
Катя ЛЕВАШОВА.
Морко район.
Фотом еш архив гыч налме.
