- Велосипед дене кудалме деч ончыч тудын «тазалыкшым» тергыман.
- Руль ден рамым ончалза. Нимогай шелше, кадыргыше ужаш лийшаш огыл. Руль тышке-тушко коштеш гын, пеҥгыдемдыза.
- Оравам темдалын ончыза. Лушкыдын чучеш гын, насос дене овартыза. Орава-шамычым мландымбач нӧлталын пӧрдыктыза. Нуно иксемын, тура, уто йӱк деч посна пӧрдшаш улыт. Ораваште пӱчкылтшӧ вер лийшаш огыл!
- Тормоз сайын пашам ыштышаш. Колодкыжо пытен гын, кугурак-влак дене пырля ум шындыза. Шинчыр шодыртаташ тӱҥалын гын, шӱраш кӱлеш.
- Пычкемыш жапыште кудалыштыда гын, волгалтарыше арвер ден светоотражатель-влакым пижыктыза. Ончылно ош тӱсан, а шеҥгелне йошкар тӱсан отражатель лийшаш.
Катя СЕРГЕЕВА ямдылен.
