Косолап – Российын ужашыже

Марий Турек район Косолап школышто тунемше-влак Алёна Виноградова, Юля Мельникова, Вадим Богданов «Я познаю Россию. Прогулки по стране» всероссийский проектыш ушненыт.

– Ме Косолап села дене палдарыше турист маршрутым ыштенна. Маршрутышко Совет Ушем Герой Сергей Суворовын садше, Совет Ушем Герой Анатолий Заровняевлан мемориал о‰а, Кугу Ачамланде сарыште вуйыштым курымешлан пыштыше-влакым шарныме лўмеш мемориал памятник пурат. Косолап села – Российын ужашыже. Тек тудын нерген чылан палат, – ойлат ўдыр-рвезе-влак.

Вадим ден Юля тиде проектышке кумшо гана ушненыт да шєрт-ньє значок дене палемдалтыныт. Алёналан той значокым кучыктеныт.

  • Христина Александрова

    «Ямде лий» газетын редакторжо.

    Related Posts

    Пайдале сомыл

    Республикысе курчак театрыште «Эл – Театр – Школ» V всероссийский фестивальын кокымшо туржо эртаралтын. Тушто 12 команде мастарлыкшым жюри ончык аклаш луктын. 1-ше номеран Морко школ театрын самырык артистше-влакат нунын…

    Талешкым чапландарена

    22 апрельыште Йошкар-Оласе «Герои Отечества» тоштер-патриот рӱдерыште «Ший талешке» шымлыме паша конференций эртаралтын. Тушко республикысе тӱрлӧ районысо школла гыч 15 тунемше ден ик туныктышо ушненыт. Нуно «Талешке мемнан коклаште», «Элым…