1-ше номеран Морко школышто тунемше-влак тӱрлӧ конкурсышто мастарлыкыштым ончыктат. Шукерте огыл «Чавайн лудмашке» ушненыт. Поро увер дене куандареныт. 8-ше классыште тунемше Максим Пименов (снимкыште) «Прозо» таҥасыште сеҥышыш лектын. Рвезе келге шонымашан произведенийым ойырен. Сылнын лудмыж дене кажнын чонжым савырен. 11-ше классыш коштшо Ксения Дмитриева «Почеламут» таҥасыште икымше верым сеҥен налын. Тудат сылнымутын вийжым шижын мошта, артист койыш-шоктышыж дене ойыртемалтеш. Максим ден Ксениям шокшын саламлена. У кӱкшытым тыланена. Марий йылмым туныктышо С.В.Никитиналан йоча-влакым ямдылымыжлан кугу таум ойлена.
Н.В.НИКИТИНА.
Морко посёлко.
Фотом еш архив гыч налме.
