1-5 ноябрьыште «Артек» тӱнямбал йоча рӱдерыште «Большая перемена» всероссийский конкурсын финалже эртаралтеш. Тушко 8-10-шо класслаште тунемше-влак ушнат. Марий Эл гыч лу ӱдыр-рвезе: Йошкар-Оласе Бауман лицейын, 9-ше, 20-шо, 21-ше номеран Семёновко школ-влакын, Волжск оласе 4-ше да Козьмодемьянск оласе 3-шо номеран школ-шамычын, Экономико-правовой гимназийын, Шуко профилян лицей-интернатын тунемшышт – финалыш лектын. Нуным снимкыште ужыда. Ӱдыр-рвезе-шамыч ты конкурсышто мастарлыкыштым тергаш тӱҥалыт.
Сеҥыше-влаклан «Артек» рӱдерыште канаш путёвкым пуат. Вузыш тунемаш пурымо годым баллым ешарат. Тыгак пӧлекым кучыктат: 8-9-ше класслаште тунемше-влаклан – 200 тӱжем теҥгем, 10-шо классыште шинчымашым погышылан – ик миллион теҥгем.
Ӱдыр-рвезе-шамычлан сеҥымашым тыланена!
Людмила ГРИГОРЬЕВА ямдылен.
Фотом Марий Эл Республикысе Образований да науко министерствын «ВКонтакте» тӱшкаж гыч налме.
