У Торъял район Немда школын тунемшыже-влак Регина Лебедева ден Диана Маличенко У ийым моткоч вучат. Тений Диана спорт дене пеҥгыде кылым кучаш тӱҥалын. У ийыште таҥасымашлаште сеҥыше-влак радамыш лекташ шона. Ача-аважым чыла предмет дене «визытан» отметке дене куандарынеже.
Регина изажым армийыш ужатен. Сандене шушаш У ийым молгунамсе деч чотрак вуча. Вуй ӱмбалне канде кавам, тыныс илышым йодеш. Изаже пӧртылмешке, гитар дене шокташ тунемнеже. Сылне сем дене йӧратыме еҥжым вашлияш шона.
