30 март гыч 2 апрель марте Москошто кадет, юнармеец да сарзе патриот клуб-влакын «Служить России» XXII всероссийский сборышт эртаралтын. Тушко 31 команде ушнен. Марий Элын чапшым Советский район Ургаш лицей-интернатыште 10-шо классыште тунемше-влак араленыт.
Кадет-шамыч вий-куатыштым да усталыкыштым спорт таҥасымаште, строй дене коштмаште да мурым йоҥгалтарымаште ончыктеныт. Йошкар площадьыште, Александровский садыште да моло вере экскурсий дене коштыныт. Сборышто Ургаш лицейыште тунемше-шамыч сай лектышым ончыктеныт. Вич номинацийыште икымше верым сеҥен налыныт, кум тӱрлӧ таҥасыште кокымшо лийыныт.
Ӱдыр-рвезе-влакым сеҥымаш дене саламлена. Ончыкыжымат тыгаяк чулым, писе да виян лийза!
Оля МАЙКОВА.
Фотом Марий Элысе Образований да науко министерствын «ВКонтакте» воткылысе тӱшкаж гыч налме.
