Пырля тунемме йолташем-влак дене пырля «Эр ӱжара» ансамбльыш коштына. Тӱрлӧ пайремыште мастарлыкнам ончыктена, конкурслашкат ушнена. «Марий шонанпыл» йоча этнокультур фестивальын гала-концертшым кызытат кугешнен шарнена. Тушто мемнан ансамбльын изирак да кыдалаш тӱшкаже «Хореографий» таҥасыште сеҥышыш лектын. «Вокал» номинацийыште Карина Ишимова ден Марк Ишмурзин икымше лийыныт. Мыланна (снимкыште) диплом ден шергакан пӧлекым кучыктеныт. Моткоч йывыртенна!
Евгений МИЛЯЕВ.
Татарстан, Агрыз, Буймо.
Фотом школ архив гыч налме.
