Кажне еҥ тора теҥыз воктене канаш шона. Мый Сочи олаште кок ий почела лийынам. Тений Морко районысо йолташем-влак дене «Юность» санаторийышке миенна. Мӧҥгӧ шукерте огыл пӧртылынна. Шарнымаш кутко наре погынен. Мом гына ыштен, ужын, кушто гына лийын огынал?! Мыланем «Ривьера» паркысе «Рио» зоопаркыште эн чот келшен. Тушто витле утла экзотике янлык ден кайык илат: лемур, крокодил, енот, питон, удав, игуан, варан, маймыл, фазан, попугай да ятыр молат. Мый шуко фотом ыштенам. Школышто пырля тунемме йолташем-влаклан ончыктенам. Ынде нунат чыла тидым ужаш кумылан улыт.
Алина СУББОТИНА.
2-шо номеран Морко школ.
