3-шо номеран Медведево школын «Орлята» кадет командыже «Москва. Май. Победа» IX военно-патриотический слётыш миен. Шукерте огыл тушеч сеҥымаш дене пєртылыныт. Латкок команде кокла гыч визитный картычке, строй дене коштмо конкурслаште, спорт таҥасымашлаште сеҥыше лийыныт. Кугу Ачамланде сарлан пєлеклалтше викториныште кокымшо верыш лектыныт. Йоча-влак личный первенствыштат ойыртемалтыныт.
– Слётым эртарымаш поро йўлаш савырнен. Тыгай вашлиймаш-шамычлан кєра элын ончыкылык аралышыже-влак коклаште кыл пеҥгыдемеш. Кадет-шамычын сеҥымашышт – наставникыштынат лектышышт, – ойлен 3-шо номеран Медведево школын директоржо Л.Чугунова.
Марий Эл Республикысе МВД-н пресс-службыжын уверже почеш.
