Йошкар-Ола воктене верланыше «Корта» тунемме да тренировкым эртарыме базыште ятыр гана лийынам. Ты гана спорт туризм дене ече дистанцийыште республикысе таҥасымашке ушненам. Тӱрлӧ район да рӱдола гыч 180 спортсмен вий-куатшым терген. Арбор школын командыжат таҥасен. Чылан сеҥыше-влак радамыш лектынна. Мый дистанцийым шкетын эртымаште, кылдышым пидмаште да тӱшка дене таҥасымаште икымше верым сеҥен налынам (снимкыште). Мӧҥгӧ кум медаль да кум грамот дене пӧртылынам. Моткоч чот куаненам!
Ульяна ФЁДОРОВА.
Марий Турек, Арбор.
