Татарстан Республикысе Иннополис олаште художественный гимнастике дене «Diva cup» турнир лийын. Моско, Озаҥ, Ишимбай, Саратов олала гыч толшо ўдыр-влак коклаште мастарлыкемым тергенам. Мыйым тренер Алия Тахировна Гайнудинова ямдылен. «Прекрасное далёко» муро почеш номерым ончыктенам да кумшо верым налынам. Мыланем медальым, грамотым да мотор комбинезоным пӧлекленыт.
Марина СТЕПАНОВА.
Волжский, Упшер.
