Шукерте огыл Уфа ола гыч пӧртылынам. Тушто муайтай дене Урал да Юл кундемысе федерал округлан чемпионатышт да первенствышт эртаралтын. Таҥасымаште элнан коло регионжо гыч 800 наре ӱдыр-рвезе вийжым терген. Мый шке ийготан да нелытан ӱдыр-влак коклаште кумшо верым сеҥен налынам. Тидлан тренерем Д.Л.Текутьевлан кугу таум ойлем. Денис Леонидович дене «Лесной воин» тайский бокс клубышто шуаралтам. Арнялан кумныл гана вашлийына. Кугу кӱкшытыш шуына манын ӱшанем.
Венера ЛАРИОНОВА.
4-ше номеран Медведево школ.
