Волжский район Ӱлыл Азъялыште курыкан верлаште куржталмаш дене таҥасымаш эртаралтын. Тудо Республикысе курчак театрын 80 ияш лӱмгечыжлан пӧлеклалтын. Таҥасымашке Йошкар-Ола, Саратов, Озаҥ олала да республикын тӱрлӧ районжо гыч 6-83 ияш 111 спортсмен погынен. Ийготым шотыш налын, спортсмен-влак 1 километр гыч 10 километр марте куржыныт. Ме, Сотнур школын тунемшыже-влак Максим Качуев, Ярослав Михайлов да мый, таҥасымашке ушненна. Мый кумшо верыш лектынам. Физкультурым туныктышо Р.С.Михайловлан сеҥымашыш шуаш полшымыжлан таум ойлем.
Денис ГУСЕВ.
Волжский, Сотнур.
