11 мартыште класс вуйлатышына Людмила Яковлевна Осинкина «Чтобы помнили… Чтобы поняли…» открытый класс шагатым эртарен. Тиде мероприятийлан ме чот ямдылалтынна. Почеламутым лудынна, мурым муренна, изи сценкым модын ончыктенна. Класс шагатышке ача-ава-влак ушненыт. Павел Марков ден Настя Ярмушкина Кугу Ачамланде сарыште кредалше кугезе кочашт нерген каласкаленыт. Артём Семёнов пошкудыжо, Торгансола ялыште илыше, сарын ветеранже Иван Кузьмич Кузьмин нерген кугешнен ойлен. Кажныжын – шке историйже, сар корныжо. Ме нуным шарнена.
5-ше «Б» классыште тунемше-влак.
Звенигово, Чакмарий.
Фотом школ архив гыч налме.
