Каныш годым авам да шольым дене пырля Озаҥ оласе зооботанический садышке экскурсий дене миенна (снимкыште). Тудо Европышто эн тошто зоопарклан шотлалтеш. Лач тушто веле кушкыл ден янлык-влакым иквереш вераҥдыме. Тидлан тӱҥалтышым профессор Карл Фукс ыштен. Озаҥысе университет воктенысе теплицышке тӱрлӧ кушкылым чумыреныт. 1920 ийыште янлык-влакым вераҥденыт. Эн ондак пире ден йӱксым конденыт. Кызыт тушто 27 тӱжем янлык ила да шукыжым Йошкар книгашке пуртымо. Зоопаркыште зебрым, верблюдым, слоным, маскам ужаш лиеш. Янлык ден кайык-шамыч посна пӧлкалаште илат. Тушто жапым пайдалын эртараш лиеш.
Рома МАСЛЕННИКОВ.
Йошкар-Ола, 30-шо номеран школ.
Фотом еш архив гыч налме
