Ксения Богданова Шернур посёлкысо 2-шо номеран кыдалаш школышто визымше классыште тунемеш. Школ пелен «Грация» кружокыш икымше класс гыч коштеш. Тудым О.В.Васильева вуйлата. Икшыве-шамыч кружокышто тӱрлӧ движенийым тунемыт, куштымашым шындат. Школысо, районысо мероприятийлаште усталыкыштым ончыктат. Зеленодольск олаште эртаралтше конкурсышто чолгалыкыштым тергеныт. Чебоксарыште кумшо верым сеҥен налыныт.
Ксения нылымше классыште тунеммыж годым борьбаш кошташ тӱҥалын. Тренерышт М.Г.Пакеев ӱдыр-рвезе-влаклан тӱрлӧ приёмым туныкта. Йоча-шамыч капкылыштым пеҥгыдемдат, шуаралтыт, шкеныштым аралаш тунемыт.
Ксениялан умбакыжат тыгаяк чолга лияш тыланена. Тӱрлӧ аланыште шкем вияҥдымыже куаным гына кондыжо.
