Кугезе кочам Григорий Яндемирович Алексеев –Кугу Ачамланде сарын участникше. Тудо 1924 ий 9 майыште шочын. Школышто сайын тунемын, тале спортсмен лийын. Колхозышто пашам ыштен. 17 ияшыже годым сар тӱҥалын. Кугерге кочамлан курал-ӱдашат, кожла пашаштат тыршаш логалын. Тудым 1942 ий 22 майыште фронтыш колтеныт. Кочам 224-ше стрелковый дивизийыште служитлен. Вараже Новороссийск, Анапа олалам утарымаште эре ончылно лийын. Кугезе кочамын геройлыкшым шотыш налын, I степенян Чап орден дене суапландареныт, сержант званийым пуэныт.
1944 ий 7 майыште совет войска Сапун-гора – Карань кундемыште виян наступленийым тӱҥалын. Кугезе кочамын 18 еҥан отделенийже эн ончылно лийын. Нунын почеш – пӱтынь рото. Тиде кредалмаште кугезе кочам кок танкым, ик ДЗОТ-ым пытарен. 12 майыште Кечывалвел фронтышто контрнаступлений тӱҥалын. Кугезе кочам ты кредалмаште нелын сусырген, госпитальышке логалын. Госпиталь деч вара шке частьшым поктен шуын. Варшава, Будапешт олалам утарымаште патырлыкым ончыктен. Сеҥымаш кечым Кёнигсберг олаште вашлийын. Тудын дене моткоч кугешнем.
Яна АЛЕКСЕЕВА.
Параньга, Элпанур.
Фотом еш архив гыч налме.
