Алёна ЧЕСНОКОВА (Сергеева), 90-ше ийласе юнкор:
– Юнкор слёт нерген поро шарнымаш тачат чонем ырыкта. Мый кодшо курымын 90-ше ийлаштыже лийынам. Морко район Купсола школышто марий йылмым да литературым туныктышо Татьяна Александровна Смирнова мемнам, кум ӱдырым, газетыш чолган возкален шогымыланна пайремыш наҥгаен. Мый почеламутым возаш утларак йӧратенам. Газетыште савыкталтмеке, пӱчкын луктын, тетрадьыш чумыренам. Тыгай пайремыш икымше гана логалынна. Кугу, волгыдо залыште саламлыме мутым колыштынна, концертым онченна. Тау, марла йоча газет! Эше шуко ий лудшо-влакым куандаре.
