Снимкыште Параньга район Матародо школын 7-ше классыштыже тунемше Вероника БЕРЕЗИНАМ, Янгетсола гыч Инесса КНЯЗЕВА ден Вадим ГОРДЕЕВЫМ ужыда. Нуно тӱвыра пӧртыштӧ эртаралтше кажне гаяк мероприятийышке чолган ушнат. Кугече йӱлам палдарыше модышышто куанен модыныт. Российысе калык-влакын тӱвыра поянлыкышт идалыклан пӧлек-лалтше «Мом моштем – ыштем, кучем. Уныкамлан туныктем» ончерыште марий койышыштым ончыктеныт. Инесса ден Вадим тений веле школыш каят гынат, моткоч артист койышан улыт. Вадим Юлиан изаж дене мураш йӧрата. Ме, тӱвыра пӧрт пашаеҥ-влак, йоча-шамыч изинек шочмо йылмым йӧратышт, марий йӱлам жаплен кушкышт манын тыршена.
Э.ЗАХАРОВА, тӱвыра пӧрт вуйлатыше.
