Изинек эмганен кушшо йоча-влакат уста кидмастар улыт. Тӱрлӧ конкурсыш ушнат, сеҥышыш лектыт. Теве тулык да ача-ава деч посна кушшо йоча-влаклан Морко район Октябрьский школ-интернатыште ятыр кружок пашам ышта. Туныктышо-влак кидым лывырташ, тӱрлӧ пашалан кумылаҥдаш жапым утларак ойырат. Бисероплетений кружокыш рвезе-шамычат куанен коштыт. Тудым Е.П.Манина вӱда.
– Бисероплетений дене программым 11-15 ияш йо-ча-влаклан ямдылыме. Эмга-нен кушшо икшыве-шамычым калык усталык дене палдарем, моторлыкым ши-жаш туныктем. Ӱдыр-рве-зе-влакын кидышт лывырга, тӱткылыкышт вияҥеш, коллективыште пашам ыш-таш тунемыт, – ойла Елена Петровна.
Илья Вершинин изинек ДЦП чер дене орлана. Кид-шым лывырташ бисер дене пидме полша. Тӱрлӧ тӱсан тыгыде пырче гыч могай гына арверым огеш ыште. Пашаже-влакым Елена Петровна тӱрлӧ конкурсыш колта. «Сказки со всего мира», «Берегите животных», «Прекрасный мир цветов» тӱнямбал конкурслаште, «Осенняя фантазия» всероссийский конкурсышто икымше верым сеҥен налын.
– Ик арверым ышташ ятыр жап кая, сандене мыланем кажне пашам шерге. Кызыт бисер гыч кидшолым пидам. Тудым йӧратыме туныктышемлан пӧлеклем, – ойла Илья Вершинин.
Снимкыште: Илья Вершинин ден Дима Васильев.
