Дарина Поликарпова (снимкыште) Йӱледӱр кыдалаш школышто 5-ше классыште тунемеш. Икымше класс гычак шинчымашым кыртмен пога. Тудо тӱҥалтыш класслам чыла «визытанлан» тунем пытарен. Эн йӧратыме предметше – марий йылме. Дарина школыштат, мӧҥгыштат марла мутлана. Ешыже чылт марий шӱлышан. дыр чолгалыкшым тӱрлӧ конкурсышто да мероприятийыште терга. Тидлан тудым тӱҥалтыш класслам туныктышо Лилия Валентиновна Яковлева шӱмаҥден. Дарина изиж годсек почеламутым сылнын лудаш йӧрата. Школышто веле огыл, районысо да республикысе лудмаш конкурслашкат ушна. Чӱчкыдын ончыл верыш лектеш.
Тений Дарина туныктышыжо да шке классше дене пырля «Орлёнок» всероссийский йоча рӱдерыш миен. Тыгай тора кундемыште икымше гана лийын. Ӱдырлан чылажат оҥайын, моторын да ӧрыктарышын чучын.
– Мыланем поезд дене кудалаш, вес олаште лияш, кугу теҥызым ужаш, тӱрлӧ мероприятийыш ушнаш келшен. Моло кундемла гыч толшо ӱдыр-рвезе-влак дене палыме лийынам. Вес ганат тушко каяш кумылем уло. «Орлёнокышто» лийме кок арня жап эн поро кышам гына коден, – ойла Дарина.
Фотом еш архив гыч налме.
