Авамын «Юж кайык» фестиваль эртаралтме нерген ойлымыж деч вара, мыйынат ушнаш кумылем лектын. Тукым шольымымат таратенам. Интернетыште ончен, кок юж кайыкым ыштенна. Авам юж кайыкым плащ куэм гыч келыштарен. Тудым ыштыме годым чыла шотыш налман: куэм мардежым колтышаш огыл, кучыктымо арвер куштылго, но пеҥгыде лийшаш, леерын кужытшо – 50 метр наре. Иктым марий тӱр дене сӧрастаренна. Весым оҥай, воштылшо чурияным ыштенна. Марий тӱран кайыкнан каваште чоҥештылмыже моткоч сӧралын койын.
Артём ИВАНОВ.
Йошкар-Ола, 24-ше номеран школ.
Марий тӱран кайык
