Тунемме идалык пеш писын эртен кайыш. Кеҥежын омсаш тӱкалтымыжым шижынат ышна шукто. Школыштына шукерте огыл кугу кросс эртаралте. Таҥасымашым иктешлыме годым спортышто, тунеммаште ончылно улшо ӱдыр-рвезе-влаклан грамотым кучыктышт. Вара пырля тунемме йолташ-шамыч дене экстрим паркыш мийышна. Тушто жапым веселан да пайдалын эртарышна. Тиде тат кужу жаплан шарналт кодшо манын, фотомат ышташ ышна мондо. «Ура-а, вучымо каникул!» – кеҥежлан куанен кычкырална.
Юля ЯГОДАРОВА.
Советский, Кельмаксола.