Алмаз мозаикым погаш моткоч келша. Тӱрлӧ тӱсан йылгыжше чинче-влакым иктын-иктын пижыктыме годым вий ешаралтеш да ушыш волгыдо шонымаш-шамыч пурат. А лектышыже могай куанле! Сӱрет-шамыч суртнам сӧрастарат. Икмыняржым лишыл еҥем-влаклан кучыктенам. Уло чоным пыштен шке гыч ыштыме пӧлеклан нуно пеш йывыртеныт. Кызыт черетан сӱретым погем, молгунамсе деч нелыракым да ойыртемалтшым. Чинче-влак фосфоран улыт, йӱдым волгалташ тӱҥалыт.
Элеонора НИКИТИНА.
Морко, Купсола.
