Алмаз мозаикым погаш моткоч келша. Тӱрлӧ тӱсан йылгыжше чинче-влакым иктын-иктын пижыктыме годым вий ешаралтеш да ушыш волгыдо шонымаш-шамыч пурат. А лектышыже могай куанле! Сӱрет-шамыч суртнам сӧрастарат. Икмыняржым лишыл еҥем-влаклан кучыктенам. Уло чоным пыштен шке гыч ыштыме пӧлеклан нуно пеш йывыртеныт. Кызыт черетан сӱретым погем, молгунамсе деч нелыракым да ойыртемалтшым. Чинче-влак фосфоран улыт, йӱдым волгалташ тӱҥалыт.
Элеонора НИКИТИНА.
Морко, Купсола.
Кумдан палыме руш серызе Аркадий Гайдарын «Тимур и его команда» повестьше кодшо курымышто элыштына тимуровец толкыным ылыжтен. Поро чонан да пашалан чулым ӱдыр-рвезе-влак пошкудыштлан кызытат полшат, шочмо кундемыштым тӱзатат. Марий…
Школышто марий пайрем-влакым эртарашак тыршена. Калык тӱвырам, сылнымутым шымлымашлан тӱткышым ойырена. Марий тиште кечым кумдан палемдена (снимкыште). Йоча-шамычлан марий возыктышын эртыме корныж нерген каласкалена. Нуно икымше шанчыеҥ, журналист, серызе-влак нерген…
