Кеҥеж каникулем моткоч веселан эртарем. Йырым-йыр сылне пӱртӱс, чевер кече, яндар юж… Яра жапат шуко.
Ме еш дене тӱрлӧ верым ончен кошташ йӧратена. Экскурсий йӧным кучылтын, пошкудо кундемышке миен толына. Верысе пӱртӱсым ончал савырнена. Теве шукерте огыл Татарстан кундемыште лийынна. Кукмарий велне ӧрыктарыше вер уло. Тудым Марс маныт. Йошкар курык, оҥай ландшафт шукерте лийше планетым ушештарат. Туге чучеш, пуйто тый мландымбалнат отыл. Тора сандалыкыш логалме гай чучеш. Йошкар курыкым кидем денат кучен ончышым, кӱзышымат. Авам фотом ыштыш (снимкыште). Тиде вер шуко жаплан шарнымашеш кодеш. Кумылда уло гын, теат миен толза.
Паша УХОВ.
Йошкар-Ола.
Фотом еш архив гыч налме.
