Ача-авам дене снегым погаш кажне ийын коштына. Тудо чевер тӱсшӧ дене кавасе шӱдырым ушештара, ямле пушыж дене – тамле-тамле омым. Мотор саскам погаш моткоч келша. Иктыштым вигак ужын кӱрлын налаш лиеш, весышт шудо коклашке «шылын шинчыныт». Ведратым писын темынет гын, олыкышто кочкаш от ярсе. А мӧҥгыштӧ, ӱмбал, сакыр дене варен, шер теммеш авызлет. Тыгодым шинча ончылнет пеледышан, тӱрлӧ пушан олык сӱретлалтеш, пылышлан кайык муро солнымыла чучеш. Снеге идалык мучко ок куш, садлан тудым морозилкыш кылмыкташ оптена. Телым кок пачаш тутлырак чучеш!
Ксения СТОЛЯРОВА.
2-шо номеран Морко школ.
Оля Майкован фотожо.
