Марий Эл Республикнан рӱдолаже кажне ийын кушкеш да моторештеш. Интернетыште ожнысо олан фотожо-влакым ончымеке, могай вашталтыш лийме шинчалан вик перна. Мылам кызытсе Йошкар-Ола келша. Изи Какшан серыште шинчыше полат-влак мотор улыт. Курчак театр йомак тӱням ушештара. Кастене, электротул дене волгалтше йошкар-Олам йӧратем. Кеҥежым – пеледышаным, шошым – ужаргышым. Мыланем тыште чыла лишыл. Марий Элыште шочмемлан куанен илем.
Анастасия ИВАНОВА.
Морко, Коркатово.
