Руэм посёлкысо книгагудышто «Герои весёлых книг Н.Носова» сылнымут турнир эртаралтын. Тудо писательын шочмыжлан 115 ий теммылан пӧлеклалтын. Турнирыш Руэм кыдалаш школышто нылымше классыште тунемше-влак ушненыт. Нуно вич командылан шелалтыныт. Эн ончыч Николай Носовын илышыже да творчествыж дене палымым ыштенна. Вара команде-шамыч таҥасеныт. Виян таҥасымаште 4-ше «Б» классыште тунемше-влак (снимкыште) икымше верым сеҥен налыныт.
Т.А.КОНЫШЕВА.
Медведево район.
Авторын фотожо.
