Художественный гимнастике дене секцийыште ныл ияш улмем годым шуаралташ тӱҥалынам. Кызыт арняште кум шагатат пеле дене ныл гана капкылемым «туржам». Медведево посёлкышто, Йошкар-Ола, Набережные Челны, Тольятти, Озаҥ, Шупашкар олалаште эртаралтше таҥасымашлаште мастарлыкемым тергенам да сеҥышыш лектынам. Художественный гимнастике дене кокымшо юношеский разрядем уло. ГТО нормативым сайын сдатлымемлан ший значокым пуэныт. Ача-авам кажне таҥасымаште пеленем улыт. Нунылан таум ойлем. Сеҥымашла дене куандараш товатлем.
Венера ЛАРИОНОВА.
4-ше номеран Медведево школ.
