1-ше номеран Морко школышто 1-2-шо класслаште тунемше-влак коклаште «Зарнице» модыш эртаралтын (снимкыште). Кажне класс гыч 4 ӱдыр да тынарак рвезе таҥасеныт. «Зарнице» спорт эстафете сынан лийын да 9 йыжыҥ гыч шоген. Йоча-влаклан нушкаш, писын куржаш, икымше полышым пуаш, тура лӱйылташ, уш-акылым тергаш кӱлын. Кажне этапыште полышкалыше-шамыч лийыныт. Чолгалык, писылык да икоян улмына 2-шо «А» классын «Непоседы» командыжлан эстафетым писын эрташ полшеныт.
Софья НИКИТИНА.
Фотом школ архив гыч налме.
