31 март гыч Российыште «Йоча туристический кешбэк» программе пашам ышташ тӱҥалын. «Мир» карте дене оксам тӱлен, йоча лагерьыш путёвкым налмеке, тӱрыс акын 50 процентшым мӧҥгеш пӧртылташ лиеш. Но 20 тӱжем теҥге деч шуко огыл. Йоча-влак 1 май гыч 30 сентябрь марте лагерьлаште канен кертыт. Тиде программе почеш могай лагерь-влакын пашам ыштымыштым мирпутешествий.рф сайтыште «Детские лагеря» ужашыште ончыман. Кеҥеж мучко икмыняр гана пел ак дене канаш лиеш. Ешыште икмыняр икшыве уло гын, кажне путёвко гыч оксам пӧртылтат.
