Мый орлёнок улам, садлан оҥыштем «Орлята России» значокым эреак нумалам. Тиде лӱмым нумалаш – кугу чап. Шке мутетлан оза лийшаш улат. Пырля тунемше-шамыч дене поро пашам эреак ыштена. Тошто кагазым погенна, кормушкым ыштенна, кайык-влакым кажне кечын пукшена. Специальный военный операцийыште улшо салтак-влаклан серышым чӱчкыдын возена. Поро шомак дене чоныштым куандарена.
Павел МАКСИМОВ.
Морко, Эҥерсола.
Российысе калык-влакын шочмо йылмышт да литературышт дене федерал олимпиадыште мый уш-акылем тений икымше гана тергенам. Унчо школ гыч вич тунемше сеҥыше-влак радамыш лектын (снимкыште). Марий кугыжаныш университетыште медальым кучыктеныт. Туныктышына…
«Чонлан лишыл, шочмо марий йылмем дене кугешнем», – манеш Советский район Кельмаксола школышто 11-ше классыште тунемше Карина Анисимова (снимкыште). Ӱдыр марий йылмым келгын шымла, правил-влакым тунемеш. – Ешыште марла кутырена,…
