Морко посёлкышто эртаралтше «Колумб лудмаш» сылнымут пайремышке еш дене ушненна (снимкыште). Мый тыгай фестиваль-конкурсышто икымше гана лийынам. Тушко тӱрлӧ вер гыч йоча, туныктышо, ача-ава влак погыненыт. Нуно уста поэтын почеламутшым марла да рушла лудыныт, мурым муреныт, шке возымо сылнымутышт дене палдареныт. Ме «Еш дене лудмаш» таҥасыште Валентин Колумбын «Шочмо йылме» почеламутшым лудынна. Кум ияш Арина шӱжарем ойлен огыл гынат, сылне марий тувырым чиен, мемнан пелен йывыртен коштын. Мый 10 гыч 14 ияш марте ӱдыр-рвезе-шамыч коклаште мастарлыкем терген онченам. Йоча-влак пеш сылнын, чаткан лудыныт. Мыланем пайрем келшен. Весканат ушнаш шонем.
Виктория ИВАНОВА.
Звенигово, Выльыпсола.
Фотом еш архив гыч налме
