Сеҥымаш тоштер ден Российысе журналист-влак ушемын Моско оласе пӧлкаже 14 ияш деч кугурак ийготан йоча ден студент-влакым «Памяти героев» всероссийский конкурсыш ушнаш ӱжыт. Таҥасымаш Совет Ушем маршал Георгий Жуковын шочмыжлан 125 ий теммылан пӧлеклалтеш. «Эссе» да «Репортаж» номинацийлаште мастарлыкым тергаш лиеш. Йодмашым да паша-влакым 20 октябрь марте victorymuseum.ru сайтышке колтыман.
Кумдан палыме руш серызе Аркадий Гайдарын «Тимур и его команда» повестьше кодшо курымышто элыштына тимуровец толкыным ылыжтен. Поро чонан да пашалан чулым ӱдыр-рвезе-влак пошкудыштлан кызытат полшат, шочмо кундемыштым тӱзатат. Марий…
Школышто марий пайрем-влакым эртарашак тыршена. Калык тӱвырам, сылнымутым шымлымашлан тӱткышым ойырена. Марий тиште кечым кумдан палемдена (снимкыште). Йоча-шамычлан марий возыктышын эртыме корныж нерген каласкалена. Нуно икымше шанчыеҥ, журналист, серызе-влак нерген…