11-20 июльышто Чылдемыр клуб пелен «Чылдемыр_fest» йоча лагерь эртаралтын. 2019 ийыште 40 утла йоча ушнен гын, тений пандемийлан кӧра шагалрак. Ӱдыр-рвезе-влаклан йокрокланаш жап лийын огыл. Тӱрлӧ модышышто, квестыште, викториныште вийыштым да уш-акылыштым тергеныт. Кокымшо смене августышто тӱҥалеш. «Уэш вашлиймешке!» – ойла лагерь вуйлатыше Л.М.Антропова.
Дима ВЕДЕНЬКИН.
Шернур район.
Шукерте огыл мый Василий Юксернын «Марий патыр-влак» книгажым лудын пытаренам. Тиде книгаште марий талешке-влак нерген легенде-шамыч улыт. Чоткар ден Онар нерген возымыжо эн чот келшен. Мыйын шонымаште, нине патыр-шамыч чынжымак…
«Руш йылме пеш виян да куатан», – тыге ойлен кумдан палыме серызе, этнограф да лексикограф Владимир Даль. Тудын ойжо дене келшыде ок лий. Тӱнямбалне 260 миллион утла еҥ руш йылме…