Тунемме идалыкым мучашлымек, йоча-влак класс дене походыш каят. Эҥгекыш логалаш огыл манын, нине ой-каҥаш-влакым шотыш налман.
- Шкем шот дене кучыман, вуйлатышын шомакшым колыштман.
- Йолашым, кужу шокшан тувырым да петыралтше йолчиемым чийыман.
- Пӱртӱсым пагалыман. Пушеҥгым тодыштман, кугу йӱк дене кычкырлыман, янлыкым лӱдыктыман огыл.
- Палыдыме поҥгым, кушкылым, емыжым да саскам погыман огыл. Кочкын ончашат огеш лий.
- Пелен шапаш вӱдым налман. Кочкыш кокла гыч пӱкш, сукара, коштымо фрукт, печене але пряник келшен толыт.
- Шокшо вургем ден алмаштыш йолчием лийшаш.
- Палыдыме предметым ужмек, вигак вуйлатышылан шижтарыман.
- Тулотым коден кайыман огыл.
