Шернур район Кукнур школышто 1-ше классыште тунемше-влак «Блиндажная свеча» акцийышке уло кумылын ушненыт. Ача-авашт дене пырля пӱнчӧ пӱгыльмым погеныт, парафин сортам налыныт, калай банке-влакым конденыт. Амелия Кошпаева чот тыршен: эн шуко ямдылен. Изирак улыт гынат, йоча-шамыч умылат: нунын поро пашашт тыныс илыш верч кредалше сарзе-влакым йӱштӧ кечын ырыкташ тӱҥалеш.
Т.А.КОНАКОВА.
Авторын фотожо.
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…
«Движение Первых» йоча толкынын школ пеленысе ушемын председательжын тӱҥ сомылжо – ӱдыр-рвезе-влаклан ой-каҥаш дене полшаш, нуным мер пашалан кумылаҥдаш, туныктышо-шамычлан тӱрлӧ мероприятийым эртарымаште эҥертыш лияш. Тудо чулым, йырже икшыве-влакым чумырен…
